ඔස්ට්‍රේලියා ආරම්භක පිතිකරු ඩේවිඩ් වෝනර් එක් දින ක්‍රිකට් ක්‍රීඩාවෙන් ද සමු ගැනීමට තීරණය කර තිබේ. ලෝක කුසලානය දිනාගත් කණ්ඩායමේ සාමාජිකයෙකු ලෙස ජාත්‍යන්තර එක්දින පිටියෙන් සමුගන්නා බවයි ඔහු සඳහන් කරයි. එය බොහෝ පිරිසක් බලාපොරොත්තු නොවූ තීරණයක් බවයි ඔස්ට්‍රේලියා වාර්තා පෙන්වා දෙන්නේ. ඩේවිඩ් වෝනර් ටෙස්ට් ක්‍රිකට් ක්‍රීඩාවෙන් සමුගැනීම මීට පෙර ප්‍රකාශ කළේය. බදාදා ඇරඹෙන පාකිස්ථානයට එරෙහි තුන්වන ටෙස්ට් ක්‍රිකට් තරගයෙන් පසු ඔහු ටෙස්ට් ක්‍රිකට් ක්‍රීඩාවෙන් සමු ගැනීමට නියමිතය. එහෙත් එක්දින ජාත්‍යන්තර පිටියෙහි ඔහු රැඳී සිටිනු ඇතැයි විශ්වාසය පළ විය. ක්‍රිකට් ඔස්ට්‍රේලියා කියා සිටින්නේ වෝනර් වැනි ආරම්භක පිතිකරුවන් දුර්ලභ බවය. ඔහු වෙනුවට ක්‍රීඩකයන් හය දෙනකු පිළිබඳ අවධානය යොමු කර ඇති බවද ඔස්ට්‍රේලියා ක්‍රිකට් සඳහන් කර තිබේ.
ඩේවිඩ් වෝනර් එක් දින පිටියෙන් ද සමු ගැනීමට තීරණය කරයි
සබැඳිRelated
එලොන් මස්ක් – The American Oligarch
එලොන් මස්ක්ගෙ නම නොදන්න කෙනෙක් ඉන්නවානම් ඒක පුදුමයක්.ව්‍යාපාරිකයෙක්ද.. විද්‍යාඥ්ඥයෙක්ද.....