කල්පනාගේ කල්පනා ලෝකය – ‘පියා නොහැඹූ පියාපත්’

1995-2005 යන දශකය වෙන්කර ගතහොත් ඒ යුගයේ බොහෝ කිවිඳියන් මතුවනු දක්නට ලැබුණි .සුහර්ෂණි ධර්මරත්න සහ විපුලි නිරෝෂණී ඒ අය අතරින් දිගට ම කාව්‍ය චාරිකාවේ යෙදෙන අය බව පැහැදිළිය .ඒ සමයේ පුවත්පත්ක් කවි පිටු අතර මෙන් ම මාගේ දේශය අවදි කරනුම් මැන ,බිහි දොර අබියස වැනි සාහිත්‍ය උත්සව හරහ පැමිණි ලක්මාලී හේවාවසම් ,චන්දිමා ලියනාඅරච්ච්චි ,වරුණි කෝකිලා ද සිල්වා වැනි කිවිඳියන් අතරමග නැවතුණ සෙයකි ,අසිරිමත් කඳුළු නමින් ලියන ආරච්චි 2004 දී පළ කළ කාව්‍ය සංග්‍රහය තුළ ද බලාපොරොත්තු දල්වන කවි දක්නට ලැබුණි .කල්පනා මේ නිහඬ වෙරළට එන්න කාව්‍ය සංග්‍රහය එළිදැක් වූයේ 2011 දී වුව ද ඊට පෙර සිටම ඇය කවිය තුළ ජීවත්විය .එහෙයින් කල්පනා අයත්වන්නේ දිගින් දිගට ම කවිය අත්නොහැර එය සිය පර්යේෂණ භූමිය කරගැනීමට වෙහෙසෙන කිවිඳියන් අතරටය .ඇය පියානොහැඹූ පියාපත් නමින් පළ කරන නවත ම කාව්‍ය සංග්‍රහය සියුම් කවි ලකුණින් සැරසී ඇත්තේය .

මිනිස් ජීවිතයේ හුදෙකලාව ,ප්‍රේමය සහ විරහව ගැඹුරින් ස්පර්ශ කළ ප්‍රබන්ධකරුවකු වූ කවබත යසුනර්රි ඔහුගේ ලෙඛනරීතිය ඔප්නංවගැනීම පිණිස ජපන් හයිකු කාව්‍යා තුළින් සෑහෙන ආලෝකයක් ලබා ඇති බව පෙනෙයි .ආරිය rරාජකරුණා විසින් සිංහලට පරිවර්තිත කවබත යසුනරිගේ කෙටිකතා නම් කෘතියේ හමුවන බොහෝ චරිත තුළ දොංකාර දෙන හුදකලාව කංසිය කොබයාසී ඉසාගේ හයිකු කවි සිහියට නංවයි .කල්පනාගේ කාව්‍ය සංග්‍රහයේ පිදුමෙන් කොටසක් ඉසා වෙනුවෙනි .

‘හයිකු කවියේ
කඳුළු බිංදුව
කොබයාසී ඉසාට ‘
පිදුමේ ඉතිරි අඩ සමර විජෙසිංහ වෙනුවෙනි .
හද පිනි සහ කටු මත
කවි වෙසින්
දිව ඔසු තබා ගිය
සමර විජේසිංහට

කල්පනාගේ කාව්‍ය සංග්‍රහය පුරා මේ සංවේදී මිනිසුන් දෙදෙනාගෙන් උකහාගත් උරුමයක් සිහින් විදුලි දහරාවක් සේ දිව යයි .කල්පනාගේ පිදුමේ දී ඉසා ගැන තබන සටහන ප්‍රකට විචාරකයකු අන හැරල්ඩ් ජී .හෙන්ඩර්සන් ඉසා ගැන ලියූ දෙයක් සිහිපත් කරයි .
‘He was not a prophet like Basho nor a briliant craftman like Buson ;he was just a very human man.’

පියා නොහැඹූ පියාපත් ‘ යන ග්‍රන්ථ නාමය ම බොහෝ දේ ඉඟි කරයි .ඇයගේ කවි මාලාව ළා පැහැගැන්වූ සිතුවම් පෙළක් සේ සියුම් අරුත් අප සිත තුළ නඟයි .ජපන් හයිකු කවි සහ වෙනත් ඉංග්‍රීසි කවි පරිවර්තනය කිරීමෙන් ලත් පරිචය ඇයගේ කවි තුළින් පැහැදිළිව පෙනෙයි .කවියේ චිත්තරූපික අභ්‍යාසය ඇය ට ඉතා සමීපය .

Expressing your Feeling ;Tanka යන හිසින් යුතු රචනයේදී බෘස් රෝස් ට්ංක මාදිලියේ ඇමරිකානුක් කවියක් උපුටා දක්වයි .

We walk this morning
barefoot through the dewy grass
your step next to mine
At nine,after you had gone
I could find no trace of us
Anita Wintz-
සිය රචනයේ ප්‍රථමයෙන් උපුටා දක්වන මේ කවියා ගැන රෝස් මෙවැන්නක් පවසයි .The first tanka compares the fleeting nature of love or time spent with a loved one to the morning dew that evaporates in the sunlight.’
කල්පනාගෙ මතු දැක්වෙන කවිය ද එබඳු සංවේදී අරුත් මවයි .

‘සරත් සැදෑවක
තනිව ඇවිද යමි
වසත් කල අපට
සෙවන දුන්
තුරුපත් මතින් ‘

‘සරත් සැදෑව ‘ තනිව ඇවිදයාම ‘ යන තනි කාව්‍යපාද එක්ව කිසියම් සියුම් පිරිපුන් අරුතක් වෙත අප මෙහෙයවයි .

ජපන් හයිකු කවිවල දී දෘෂ්‍ය සහ ශ්‍රව්‍ය චිත්ත රූප ඉතා සියුම් ලෙස යොදාගනියි .කල්පනාගේ මේ කවිය ඇය චිත්තරූපික අභයසයේ විපුල පල ලබාගන්නා අයුරු පැහැදිළි කරයි .

‘අඳුර ගලන හඬ
ඔබ වැයෙයි
විශ්වය ව
මා තුළ ‘

අඳුර යනු දෘෂ්‍ය සංවේදනයකි .එහෙත් ඇය නොපැකිලිව එය ‘ඇසෙයි ‘ යන වචනය සමග තබයි .එවිට අඳුරේ තිව්‍රතාවය අපට තදින් දැනෙයි .අමරකීර්ති හොඳ කවිය ‘ යන කාව්‍යක මෙසේ ලියූ බව මතකය .

‘එවිට මට ඇසේ

මල් පිපෙන හැටි ‘

මේ තාක්ෂණය කවිය තුළ බුහුටි ලෙස යොදාගැනීමට හැකි බව අමරකීර්ති ප්‍රත්‍යක්ෂ කරගැනී ම නිසා මෙවැන්නක් ලියූ බව පැහැදිළිය .මේ අඳුර තුළ වැයෙන්නේ කවුද ?

‘පන්හිඳක් ගැවසෙන තැනක් ඔබ
තෙලි තුඩක් දෙවටෙන තැනක් ඔබ
රළ පෙළක් ගැවසෙන තැනක් ඔබ
අඩ සඳක් බැස යන තැනක් ඔබ ‘

සුනිල් ආරියරත්නගේ ගේය පද සිහියට නැඟෙයි .

මිනිස් ජීවිතයේ ප්‍රේමය යනු සැදෑ සමයට ද උරුම වූවකි .එය යෞවනයන්ගේ උරුමයක් පමණක් නොවේ .කල්පනාගේ මේ රචනය අරුත් නඟන්නේ එබඳු අඩවියක ද ?

‘ඉපල් යැයි නොකියන්න
මේ ඉතිරි අතුපතර
ගසල් ගී ගැයෙයි තව
විසුළ හිරු කෙඳි අතර ‘

ප්‍රේමය උත්කර්ශ්වත් ලෙස අල්ලාගත් ගසල් කවි ඉතිරි අතුපතරේ ගැයේ යැයි කීම කෙතරම් ව්‍යක්ත යෙදුමක් ද ?
තුන්පෙති හතර පස්පෙති කාව්‍ය සංග්‍රහයට ඇතුළත් රණවීරගේ කවියක් මතු දැක්වේ .

‘දිය බේරෙමින්
ගොඩට එන මෙනවිය
ළමැද බෙයද පීරාබසින
දිය බිංදුව ‘

කල්පනා නාරි සිරුරක දකින දිය බිඳක් ඇසුරෙන් වෙනත් මානයක් ස්පර්ශ කරන්නේ ඈ සතු බුහුටි කවිකම් කියාපාමිනි .

‘මම ඇය නොහඳුනමි
තෙත් ගෙලෙහි
දිය බිඳු හැර
අන් කිසිවක් නො දුටුවෙමි ‘

කල්පනා මේ කාව්‍ය මාලාව තුළ විශ්වයේ පොදු ධර්මතා බුහිටි ලෙස කවියට නඟන්නට වෙහෙසෙන අතර ඇතැම් කවියක් සියුම් ලෙස නිශ්චිත සංදර්භයක තබන අයුරු ද පෙනෙයි .

‘ඇගේ කිංකිණි
සිනා යට
කැලතෙයි
දම්වැල් සැලෙන හඬ ‘

සිනහව ප්‍රේමයේ ප්‍රකාශනය ලෙසත් දම් වැල් තහංචිවල ප්‍රකාශනය ලෙසත් අරුත්ගැන්වුව හොත් මේ කවිය ප්‍රේමයට අනෙක බාධා ඇති සමාජයක පෙම්වතුන්ගේ වේදනාවෙ ධ්වනිය නොවෙද මේ ?

කල්පනගේ මතු දැක්වෙන කවිය අප ගෙවා දශක දෙක තුනක සාක්ෂියක් අප අතර ඉතිරිකර යෑමක් බඳුය .

‘අතුරුදන්වූවන්ගේ
අජීවී සේයා රූ
තුවක්කු අතැති අය
බියපත් කරන ‘

අප කිවිඳියගේ කවි ජීවිතය විවිධ මානවලින් පෙන්වමින් අප තුළ ජීවිත ලාලාසව වඩවයි .දිගු චාරීකවක දී වරින් වර ගත් ඡායාරුප බඳු මේ කවි වරින් වර පෙරලා බලමි .

‘විචිත් රය
පැමිණීම මෙන් ම
නික්ම යාම ද
ගිලිහෙන
මේපල් පත්

ප්‍රියංකර නිවුන්හැල්ල

කල්පනා ඇම්බ්‍රෝස්ගේ
නො පවතිනු වස් ප්‍රේමය ව පවතිමි – (කවි, සංහිඳ ප්‍රකාශන)
පියා නො හැඹූ පියාපත් ( කවි, සංහිඳ ප්‍රකාශන)

අහස ප්‍රකාශන වෙතින් ලබාගත හැක.(සීමිත පිටපත් ප්‍රමාණයක් ඇත)

Ahasamediaworks Pvt Ltd,188/8A,High Level rd, Maharagama.9.00AM – 5.00PM
Sunday – Closed.

විස්තර සඳහා WhatsApp කරන්න.
077 729 6638