සුපෙම්වත වසන්තය ලස්සනම කවි හිතක්
නොනැවතී තෙතමනය ඉතිරෙනා උල්පතක්
ආදරය ගැන ලියා තැබිය හැකිවෙයි පොතක්
ජීවිතය ප්‍රේමයේ විශ්වයක පොඩි තිතක්
සිත්තමක නෙක වර්ණ ගල්වන්න හැකි වෙතත්
එකම පැහැයක නැවතිලා මන්ද හදවතක්
වීණාව වයනු හැකිවෙද නොහඬවා තතක්
මතක අමතක කරමු මදු විතක් ළඟ නැතත්
ඉංග්‍රීසි ගීතයක් ගැඹුරු හඬකින් ගයා
මිහිර සැඟවූ නිම්නයක ඉන්නේ ඇයි ඔයා
මහාමෙර මොහොතකට හිස මතින් බිම තියා
ළඟ ඉන්න හැකි අපට ඒ තරම් දුර නොයා
කාංචනා ප්‍රියකාන්ත
