රජයේ සියලුම ආයතනවල විදුලිය සහ ඉන්ධන භාවිතය දැඩි ලෙස සීමා කිරීමට රජය තීරණය කර ඇත.
මේ සඳහා නිර්දේශ ඇතුළත් කරමින් රාජ්‍ය සේවා , පළාත් සභා හා පළාත් පාලන අමාත්‍ය ජනක බණ්ඩාර තෙන්නකෝන් විසින් ඉදිරිපත් කරන ලද කැබිනට් සංදේශයකට අමාත්‍ය මණ්ඩල අනුමැතිය හිමිව තිබේ .
ඒ අනුව රාජ්‍ය සේවා, පළාත් සභා හා පළාත් පාලන අමාත්‍යංශය නිවේදනය කරන්නේ සියලුම රාජ්‍ය ආයතන බලශක්ති සංරක්ෂණ වැඩපිළිවෙළකට යොමුවිය යුතු බවයි.
මේ අනුව විදුලි සෝපානය භාවිතය අඩු කිරීම, අනවශ්‍ය විදුලි පහන් නිවාදැමීම, වායුසමීකරණ අක්‍රීය කිරීම, වාහන භාවිතය අවම කිරීම වැනි ක්‍රියාමාර්ග රැසක් යෝජනා කරමින් චක්‍රලේඛයක් නිකුත් කර තිබේ.
