පොත් එළිදක්වන උත්සව වලට මම කාලයක් සහභාගී වුණා. ඉතින් එහෙම උත්සව වල වටපිට බලන කොට ඉන්නේ ඔක්කොම කතුවරුන්, කතුවරියන්. කෝ එතකොට රසිකයින්, රසිකාවියන් ?
තව ටිකක් විපරමින් බැලුවා .. සිංහල භාශාවෙන් ලියවුණු කෘතීන් එළිදැක්වීම් උත්සව වල ඉන්නේ ඒ භාෂාවෙන්ම ලියන පිරිසක්.
කෝ ඉංග්‍රීසි භාෂාවෙන් ලියන පිරිස, කියවන පිරිස ?
ඔන්න ඕකයි මේ ගමනේ පටන් ගැන්ම.
මට ඕනි වුණා පාලමක් හදන්න. භාෂා දෙකක් එකතු කරන්න . වෙන වෙනම භාෂා දෙකකින් ලියන පිරිස සහ කියවන පිරිස එකතු කරන්න.
ඉතින් ඒ පාලම හදන්න උදව් කල හැමෝටම මගේ ස්තූතිය Ceylon Today කාර්යය මණඩලයේ හැමෝටම තුති. ඒ වගේම Daily News එකටත්. එයාලා තමයි මම ලියපු දේවල් භාර ගත්තේ. සමහරැ ඇහුවා මේවා කරන්නේ සල්ලි හොයන්නද කියලා. නෑ.මේ ගෙවීමක් බලාපොරොත්තු නොවී කරන දෙයක්. ☺️ රජෙයේ සේවකයෙක් විදියට ලොකු වැටුපක් නොලැබුනත් පොත් වෙනුවෙන් මුදල් වියදම් කරගෙන පොත් කියවන්න, ඒ ගැන ලියන්න
කාලය වැය කරන් ආසාවෙන් කරන වැඩක්.
සිංහල භාෂාවෙන් ලියවුණු කෘතීන් ගැන මම ඉංග්‍රීසි භාෂාවෙන් ලියනවා. ඒ වගේම වැඩිය කතාබහ ඇතිනොවුණු ඉංග්‍රීසි භාෂාවෙන් පළවුණු පොත් ගැනත්.
ඉතින් මම සිත් යා කරන පාලමක් හැදුවා ආදරයෙන් සතුටින් ඇවිදගෙන යන්න.
නිසංසලා ධර්මසේන බර්තොලමියුස්
